Guyonan
Desember 5, 2011
+ Pendidikanmu apa?
- Hukum Pak.
+ wah ora bisa ditampa neng kene.
- Alasanipun Pak?
+ Kakehan ngomong mengko, malah ora kerja.
- tapi kulo mantan diplomat lho Pak. + Tambah ora ketampa..
- Lho kok ngaten pak?
+ Mengko kerjamu mung rapat-rapat bae..
+ Kowe nduwe omah apa ora?
- Dereng…..
+ Wah kowe ora bisa ketampa neng kene.
- Lho kok ngaten?
+ Mengko kowe mesti ngajukna utang neng perusahaan.
- Ah.. mboten kok, sakjanipun tiyang sepuh kulo niku sampun sugih.
+ Ya malah ora ketampa.
- Lho kok ngaten?
+ Mengko kowe kerja mung nggo hiburan, nongkrang nongkrong thok.
+ Kowe nduwe motor apa ora?
- Mboten.
+ Ora ketampa.
- Lho kok mboten ketampi?
+ Mengko kowe mesti njaluk bantuan kredit.
- Sakjanipun gadhah, ning tasih teng kampung, gampil mangke kulo beto ngriki.
+ Wah malah ora ketampa….
- Lho kok ngaten?
+ Tempat parkire wis ora cukup..
+ Kowe wis lulus sarjana temenan?
- Sampun Pak….
+ Ora ketampa. Neng kene nggolete sing SMA bae, lewih manutan, mbayare murah.
- Sakjanipun kulo tasih badhe skripsi.
+ Malah ora ketampa…… .
- Lho kados pundi to?
+ Mengko kowe kerjane mung ngetik skripsi, nek wis lulus mesti nggolet kerja neng perusahaan liya. + Kowe waras apa ora?
- Lha, kulo nggih waras to Pak.
+ Ora ketampa.
- Kenging nopo?
+ Mengko kowe mesti ora betah neng kene.
- Niku rumiyin Pak, sakmeniko sampun rodo edan.
+ Malah ra ketampa.
- Pripun to niki?
+ Mengko aku duwe saingan.
- WAAAAAAAAAAAAAAAA!!!!!
